شباب العرب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 حقق هدفك (1) !!

اذهب الى الأسفل 
كاتب الموضوعرسالة
ramzi horinhop
نشيط
نشيط
ramzi horinhop


ذكر
عدد الرسائل : 93
العمر : 39
العمل/الترفيه : الامن --الرباضة--الالعاب
المزاج : خجول
تاريخ التسجيل : 17/09/2011

حقق هدفك (1) !! Empty
مُساهمةموضوع: حقق هدفك (1) !!   حقق هدفك (1) !! Icon_minitimeالأحد أكتوبر 30, 2011 6:15 am


حقــــــــــــق هــــــــدفــــــــك (1)!!

هل محدد أهدافك؟
هل تعرف بالضبط إنت عايز تعمل إيه؟
هل ماشي في طريقك ومش بتحود يمين أو شمال؟


مسألة تحقيق الأهداف دي من المسائل اللي اتكتب فيها كلام كتير واللي تهم كل واحد مننا طبعا..
عشان كده قلت إننا لازم ندردش حواليها شوية..


الموضوع ده ينقسم لقسمين..
أولا: اكتشاف الأهداف نفسها..
ثانيا: العمل على تحقيقها..


هنتكلم المرة دي عن اكتشاف أهدافك


أولا: اكتشف أهدافك


ماينفعش نحقق أهدافنا واحنا مش عارفين هي إيه أساسا.. عشان كده لازم نركز في معرفة أهدافنا الأول..


فيه كذا طريقة ممكن بيها نعرف أهدافنا.. هاديلك هنا أبسطها..
الموضوع ده ممكن ياخد كذا يوم.. ماتستعجلش يعني

في اليوم الأول:
جيب ورقة فاضية واكتب فيها كل اللي نفسك فيه.. كل أهدافك وأحلامك..
ماتحطش أي قيود.. وسيبك من اللي يقول لك: "احلم على قدك" عشان الجملة دي بتاعة الناس الفاشلين في حياتهم.. وهتحد من قدراتك وتطلعاتك..
وبعدين انسَ الورقة دي النهارده.. كمل يومك عادي وارجع لها يوم تاني..

في اليوم الثاني:
ارجع للورقة واقرا الأهداف اللي كتبتها.. هتلاقي إن فيه حاجات مالهاش لازمة أو مش مهتم بيها قوي.. اشطبها أو عدلها.. اتأمل الورقة شوية وبعدين سيبها.. ارجع ليها بعدين!!


في اليوم الثالث:
بص في الورقة بتاعة أهدافك.. كلها حاجات مش بطالة، مش كده؟؟
ابتدي بقى رتب الأهم فالأهم.. رتبها حسب أهميتها ليك ولحياتك.. والغي أي حاجة مالهاش لازمة لو لقيت..

بص في الورقة كويس.. وبعدين سيبها وارجع ليها بعدين!!


في اليوم الرابع:

ارجع لورقتك.. حدد أهم أهداف من اللي إنت حاططها في الأول وحاسس بأهميتها..
خد لك هدفين أو تلاته تبتدي بيهم... وبعدين اكتب:
1- ما الأسباب اللي خلت ده هدفك؟
2- ما النتائج الرائعة التي ستحصل عليها إذا حققت هذا الهدف؟

اكتب في كل نقطة على الأقل خمسة أسباب.. اكتب عشرة, عشرين لو عايز.. اكتب على قد ما تقدر..

السؤالين دول لما تجاوب فيهم كتير عارف بيعملوا إيه؟

بيزودوا عندك الرغبة في تحقيق الهدف.. لأنهم بيساعدوك على تخيله والتركيز على فوايده في حياتك.. بتبرمج عقلك اللاواعي على أهمية الهدف ده والسعي إليه..
الرغبة الحقيقية دي هي أول خطوة فعلية في تحقيق هدفك..

دي إحدى الطرق البسيطة اللي ممكن تحدد بيها أهدافك.. فيه طرق تانية طبعا هنبقى نقولها (ورانا حاجة؟) لكن خلينا في دي..

في العدد ده عملنا خطوتين مهمين:
تحديد الهدف.
غرس الرغبة في تحقيق الهدف.


العدد الجاي هنتكلم عن خطوات تحقيق الهدف نفسه.. ابقوا قولوا لينا أهدافكم اللي طلعتوها بالتجربة دي عشان ندردش عنها المرة الجاية..
الرجوع الى أعلى الصفحة اذهب الى الأسفل
 
حقق هدفك (1) !!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب العرب :: منتديات العامة :: المجتمع اليوم-
انتقل الى: